“Тез жардам” унаасы берилди

Кыргыз Республикасынын Саламаттык сактоо министрлиги тарабынан Ысык-Ата райондук Үй-бүлөлүк  дарыгерлер борборуна жаңы, ичи медициналык жабдыктар менен  толук  жабдылган жаңы «Тез жардам» унаасы берилди.  Жай айларында демөөрчүлөр тарабынан дагы бир “Тез жардам” унаасы алынган. Буга чейин райондук үй-бүлөлүк дарыгерлер борбору эскилиги жеткен унааларды улам оңдоп колдонуп келген. Калк саламаттыгына кам көрүүдө, чакырууларга өз убагында жетүүгө унаалардын жетишсиздиги тоскоолдук жаратып келсе, мындан ары бул көйгөйдү чечүүгө мүмкүнчүлүк жаралды.